Рекламација

Екупи Македонија ДООЕЛ . во случај на рекламација постапува според Закон за заштита на потрошувачите (или според Закон за облигациони односи доколку се работи за правно лице).
Доколку имате рекламација најдобро е да не контактирате преку емаил на info@ekupi.mk Доколку имате било кое прашање околу вашата рекламација или ви е потребно било какво дополнително објаснување, можете да не контактирате преку емаил, преку чет или да не побарате на 02 3202 900.

Рекламација на оштетување настанато во транспорт

Откако ќе биде испорачан производот/ите, убаво проверете дали производот/ите се стигнати неоштетени. Рок за пријава на рекламација на оштетување при транспорт е 24 часа. Доколку примтетите оштетување (т.е. доколку ви има стигнат производ оштетен, изгребан и сл.) Ве молиме да ни испратите слики од амбалажата и производот на info@ekupi.mk .

Покрај слика Ве молиме наведете и време кога е извршена испораката, како и број на малопродажната фактура по кој сте го купиле производот.

Набрзо ќе ве контактираат од нашиот контакт центар, ќе испратиме доставна служба да направи записник, и Вашата рекламација ќе биде процесирана во најбрз можен рок.

Рекламација на техника (не вклучува бела техника)

Законската гаранција на тениката е наведена на секој производ на нашиот сајт. При изјава за рекламација на апарат од техника, испратете ни број на малопродажната фактура по кој е купен производот, детален опис на оштетувањето, како и адреса од каде би можеле да го преземеме производот (доколку адресата се разликува од наведената адреса на малопродажната фактура).

Во најкраток рок ќе испратиме курир да го преземе производот од вашата адреса и да го достави кај нас во магацин. Производот пред да го пратите мора да биде спакуван и заштитен да може безбедно да се донесе до нашиот магацин, и веќе наредниот ден ќе биде пратен во овластениот сервис. Штом овластениот сервис ќе изврши преглед и ќе даде одговор за рекламацијата ќе ве известиме.

Доколку веќе го имате однесено производот во овластениот сервис и наместо поправка сте добиле потврда за замена со нов производ ве молиме да не контактирате. Ќе испратиме курир да го превземе апаратот, малопродажната фкатура, оригиналната потврда од сервисот и на наш трошок ќе ви го пратиме заменскиот производ или ќе ви направиме поврат на средствата (доколку нема замена за истиот и не може да се поправи).

Рекламација на бела техника

Рекламација на бела техника е најефикасно и најбрзо да поднесете директно во овластениот сервис. На гарантниот лист кој сте го добиле заедно со производот се наоѓа список на овластен сервисер и контакт телефон и адреса. Овластениот сервис ќе прати сервисер на вашата адреса, бидејќи е неопходно сервисерот да утврди дали производот е правилно монтиран, како би дознал која е причината за проблемот. Доколку сервисерот утврди дека не може да се поправи, ние ќе го преземиме апаратот од Вашата адреса и ќе ви испорачаме заменски или ќе ви ги вратиме средствата на трансакциска сметка (во овој случај е потербно да ни ја доставите и малопродажната фактура и фискалната сметка доколку имате според начинот на плаќање, како и оригинална потврда од сервисерот).